Oñatin (Gipuzkoa) 1918an egindako Eusko Ikaskuntzaren I. Kongresuaren ondoren sortu zen EI-SEV. Harrezkero, Eusko Ikaskuntzaren Kongresuek eginkizun egituratzailea bete dute Elkartearen bizitzan, eta era berean EIk euskal kultura eta zientziaren aurrerapenari egindako ekarpen handietako bat dira.
Gerra Zibila piztu bitartean sei Kongresu egin ziren, gai monografikoei buruzkoak gehienak. Hego Euskal Herrian EIren jarduera debekatu zuten lau hamarkadetan beste bi Kongresu antolatu zituzten, Baionan eta Miarritzen. Azkenik, 1983tik aurrera erregulartasunez egiten ari diren Kongresuetan, euskal gizarteak aurre egin beharreko erronka handiak aztertzen dira, diziplina anitzeko ikuspegi batetik.
Eusko Ikaskuntzaren XVI. Kongresua: Garapen Iraunkorra - IT. etorkizuna
2005eko azaroaren 29 eta 30ean eta abenduaren 1ean Eusko Ikaskuntzaren XVI. Kongresua ospatu zen Bilboko Euskalduna Jauregian. Honako goiburuarekin:
“GARAPEN IRAUKORRA - IT. etorkizuna”
