FITXA
Tokia:
Vitoria-Gasteiz Palacio de Congresos y Exposiciones “EUROPA”
Data:
2009 Azaroa 18-19-20
Antolatzailea:
Eusko Ikaskuntza - Sociedad de Estudios Vascos
Eusko Ikaskuntza - Sociedad de Estudios Vascos
XVII Eusko Ikaskuntzaren XVII. Kongresua.
Gizarte aurrerapen iraunkorrerako berrikuntza
1. GAIAK
Mundu, eskualde eta toki mailako aurrerapena neurtzeko erabilitako adierazleen azterketatik abiatuz, zortzi dimentsio aukeratu ditugu. Horietako batzuk sortu berriak direla esan liteke. Dimentsio horiek oinarri hartuta, aurrerapenaren kontzeptua eta praktika handitu eta zehazteko gogoeta egin nahi dugu Euskal Herrian. Adierazle berriak edo gaur egun gero eta garrantzi handiagoa dutenak indartzea izan liteke XVII. Kongresuaren ondorioetako bat.
1. Gizarte-aurrerapen iraunkorra helburu dela, berrikuntza jaso, bultzatu eta hari buruzko gogoeta egin eta kontzientzia sortzea.
2. Diziplinartekotasuna, belaunaldien arteko elkarrizketa, aukera-berdintasuna, hizkuntza-aniztasuna eta hizkuntza berrien presentzia erraztea.
3. Proposamen teoriko eta praktikoetan eta horiek aurkezteko moduan berrikuntza sustatzea. Biltzarraren zeharkako helburu batek jasotzen du.
4. Eusko Ikaskuntzak sustatutako lanarekin bat egin nahi duten pertsona edo gizarte-eragileen parte-hartze zabala eta anitza bultzatzea, baita Entitateko kideena ere.
5. Eusko Ikaskuntzan burutzen diren eginkizun anitzak aberasteko xedez, testuinguruan kokatutako ideia eta jarduera sorrera bultzatzea.
2. Diziplinartekotasuna, belaunaldien arteko elkarrizketa, aukera-berdintasuna, hizkuntza-aniztasuna eta hizkuntza berrien presentzia erraztea.
3. Proposamen teoriko eta praktikoetan eta horiek aurkezteko moduan berrikuntza sustatzea. Biltzarraren zeharkako helburu batek jasotzen du.
4. Eusko Ikaskuntzak sustatutako lanarekin bat egin nahi duten pertsona edo gizarte-eragileen parte-hartze zabala eta anitza bultzatzea, baita Entitateko kideena ere.
5. Eusko Ikaskuntzan burutzen diren eginkizun anitzak aberasteko xedez, testuinguruan kokatutako ideia eta jarduera sorrera bultzatzea.
3. NORENTZAT
Eusko Ikaskuntza osatzen duten pertsona eta entitate guztientzat, baita euskal ikasketak ezagutzeko, sakontzeko eta haiei buruz hausnartzeko interesa duten pertsona guztientzat ere, direla Euskal Herrikoak edo munduko beste edozein lekutakoak. Orobat, parte hartzeko prozesuetan jendaurrean egiaztatutako hausnarketa zientifikotik ateratako emaitzak jasotzeaz arduratzen diren kultura- eta politika-erakundeentzat.
4. DIMENTSIOAK
BERRIKUNTZA ABIAPUNTUAN ETA ZEHARKAKOTASUNEAN:
-
Sare-sozietateak edo sareen zeregina gaur egungo munduan.
-
Prozesu parte-hartzaileak eta antolatzeko eta gobernatzeko era berriak.
-
Abangoardia eta sormena XXI. mendean: sormen-prozesuak, aplikazio-eremuak, joerak, protagonistak.
- Aldaketa bazterretako eremuetatik: norbanakoa eta gizartea aldatzeko jabekuntza-prozesuak.
GLOBALIZAZIOA
- Nortasunari buruzko eztabaida mundu globalizatuan: homogeneotasuna eta deuseztapena ala kultura-aniztasuna eta -iraunkortasuna?
- Gizarte eta kultura hibridoak: ba al daude? Izan litezke?
- Eraldaketak espazioan eta denboran: migrazio-prozesuak eta beste nomadismo batzuk (deskokapena, turismoa, bidaiak, etab.).
-
Globalizazioaren aurkako mugimendua: erresistentziak, alternatibak eta ikuspegi kritikoak.
GIZARTE TENTSIOA
- Gatazkan dauden gizarteak: biolentzia politikoa, krisialdi ekonomikoak, bestelakoak.
- Gatazkari aplikatutako sormena: konponbiderako esperientzia alternatiboak.
- Gizarte-mugimenduak eta bakearen erronka.
- Biolentzia eremu pribatuan eta harreman pertsonalak: ulertzeko gakoak eta konponbiderako mekanismoak.
GIZARTE SOLIDARIOA
- Migrazio-prozesuak eta -proiektuak: immigrazioari buruzko kontaketak.
- Migrazioa eta gizarte hartzaileak: aniztasunaren kudeaketa.
- Garapenerako lankidetzaren bilakaera eta gaur egungo egoera: eztabaida teorikoak, etikoak eta praktikoak.
- Beste globalizazioa: gizartean marjinatzeko eta baztertzeko modu zaharrak eta berriak.
- Gizarte-zerbitzuen iraunkortasuna eta erantzukizuna Ongizate Gizartearen testuinguruan: bermaturiko eskubideak.
GENERO SISTEMAK
- Maskulinitate/feminitate ereduen hausturak eta iraupenak.
- Bizitza pertsonala, soziala eta laborala: ezinezko puzzlea?
- Boterea ez da banatzen eta ez da partekatzen: emakumeek ardura handiko lanpostuak izateko dauden oztopoak.
- Boterea erabiltzeko sozializazio berriak.
JUSTIZIA
- Justizia administrazioa eta hiritarrak elkarren artean komunikatzeko moduak eta formulak: gaiaren egoera eta etorkizunerako erronkak.
- Justiziaren eta gizartearen artean: justizia alternatiboa; “defentsa-bulegoen” eta beste bitartekari batzuen zeregina.
BIZI KALITATEA
- Espazioa eta bizigarritasuna: gure hiriak, gure herriak bizitzeko egokiak al dira?
- Noiz arte izango da kontsumoa bizi-kalitatearen sinonimoa?
- Bizitzarako gaitasunak: nola prestatzen dira belaunaldi berriak gizarte onuragarriago batean bizitzeko?
- Demografia, bizi-kalitatea eta bizi-zikloa (haurtzaroa, gaztaroa, helduaroa, hirugarren adina): ulertzeko modu ezberdinak, igurikimenak.
- Osasuna ikuspuntu etikotik berritzea.
GUZTIONARI BALIO HANDIAGOA EMATEA
- Publikoaren eta pribatuaren arteko dikotomiaren kritika: publikoa dena jabetzeko eta pribatua dena publiko bihurtzeko esperientziak eta bizipenak
- Herritarren parte-hartzea publiko eta guztiona dena kudeatzeko: metodologien, prozesuen eta esperientzien azterketa.
- Eremu publikoa adierazpena, agerpena, sormena eta kritika bideratzeko.
- Ondare publikoak, hiriaren eta hiritarren arteko lokarri.
- Kriminalitatea eta hiri testuingurua
- Hiri eredu alternatiboak
GIZARTE MEMORIA
- Transmisioaren eginkizuna gaur egungo gizartean.
- Oroimena ondare gisa, ondarea oroimen-biltegi gisa.
- Isiltasuna eta oroimena berreskuratzeko prozesuak.
- Oroimena eta eguneroko bizitza: nola gogoratzen dute gure hiriek, gure herriek?
