Konplexutasunetik. Euskal gizarteak globalizazioaren aurrean duen jarrerari buruzko hausnarketa, gaur egun ezin baita inongo gizarterik kanpoan gelditu. Dena den, gizartearen sendotasuna edo ahuleziaren arabera, Euskal Herriak bere kulturari eutsi ahal izango dio edo desagertu egingo da. Gizartearen malgutasuna ezinbestekoa da aurrerapena benetakoa eta iraunkorra izan dadin, gizarte-kohesioa bultzatu eta nortasun dinamikoa ahalbidetu dezan.

Kritikotasunetik. Globalizazioa, prozesuaren eragina nabaritzen duen subjektuaren ikuspegitik begiratuta. Globalizazioa prozesu ekonomikoa eta kulturala da, eta eragina du subjektuarengan, maila indibidualean eta kolektiboan. Era berean, eragina du gizartearen barrualdean eta baita beste gizarteekiko dituen harremanetan ere. Euskal gizarteko eraldaketa ekonomikoaren, teknologikoaren, erakunde mailakoaren, politikoaren eta kulturalaren dinamikak ebaluatu daitezke modu kritikoan Giza Eskubideen ikuspegitik.

Erantzukizunetik. Euskal Herriak gizarte garatuen artean duen kokapena aztertzea. Gizarte horiek egiten dute euskal gizartea globalizatzailea eta globalizatua izatea. Munduko hegemonia ekonomikoaren partaide da eta, halaber, haren eragina du eta globalizatuta dago. Aldi berean eragiten dioten bi dinamiketan sartuta egoteak hausnarketarako bi ildo eskaintzen ditu: batetik, globalizazioaren eragile gisa duen erantzukizunaren inguruko hausnarketa, eta bestetik, globalizatutako gizartea den aldetik, hausnarketa kritikoa.