Eusko Ikaskuntza-Euskadiko Kutxaren Humanitate, Kultura, Arteak eta Gizarte Zientzien Saria

Eusko Ikaskuntza - Euskadiko Kutxa Saria 1995ean eratu zen Humanitate, Kultura, Arteak eta Gizarte Zientzien alorreko curriculum gailenena ageri duten jardueran dauden pertsona ospetsuak urtero ohoratzearren. Sarituriko pertsonaren obra osoak Euskal Herriko kultura modu eraginkorrez lagundu behar izan du.

Sarituen zerrenda

Eremuak

Humanitateak, Kultura, Arteak eta Gizarte-Zientziak.

Hautagaitzak

Ikerketa zientzia eta kulturaren alorrean jardunean dauden eta beren ikerketa jardueran Euskal Herriaren garapen kulturaren alde ari diren pertsona ospetsu guztiak.

Zenbatekoa

Sari bakarra emango da 20.000 eurotakoa.

Epimahaiak egoki iritziz gero, saria hutsik gera daiteke.

Epaimahaikoa

Eusko Ikaskuntzako Lehendakaria, Euskadiko Kutxako Zuzendari Nagusia, Euskal Herriko Unibertsitateko Errektorea, Deustuko Unibertsitateko Errektorea, Nafarroako Unibertsitateko Errektorea, Nafarroako Unibertsitate Publikoko Errektorea, Pabe eta Adour Herrialdeetako Unibertsitateko Errektorea, Mondragon Unibertsitateko Errektorea, Urrutiko Hezkuntzarako Unibertsitate Nazionaleko Errektorea.

Eusko Ikaskuntzak eta Euskadiko Kutxak izendaturik, ebaluazio zientifikoan prestigio ezagututa duten aditu biren laguntza izango du Epaimahaiak.

Hautagaien aurkezpena

Hautagaitza aurkez dezakete: interesatuak berak, unibertsitateko Institutuek edo Departamentuek, zientzia eta kultura erakundeek.

Aurkezpen gutunari hautagaiaren Curriculum Vitae erantsiko zaio inprimaki normalizatua betez. Inprimaki hori ezinbestean bete beharra dago eta Eusko Ikaskuntzaren lurralde bulegoetarik edozeinetan edo haren web orrian www.eusko-ikaskuntza.org aurki daiteke.

Dokumentazioa, paperean eta euskarri informatikoan, Eusko Ikaskuntzaren bulego nagusira, Donostiako Miramar Jauregira, bidali behar da.

Epeak

Hautagaitzak aurkezteko epea 2010ko apirilaren 30ean amaitzen da. Epaimahaiaren erabakia 2010ko udaberrian jakinaraziko da. Sari ematea 2010ko udazkenean egingo da.

Sarituaren betebeharra

Sarituak hitzematen du Eusko Ikaskuntzara bidaliko duela, saria emateko ekitaldiaren aurretik, 25-30 orriko luzera izango duen artikulu bat, bere ekarpen zientifiko nagusiak azalduz, RIEV Revista Internacional de los Estudios Vascos aldizkarian argitaratzearren.

Erakunde dei egilearen datuak

Eusko Ikaskuntza - Sociedad de Estudios Vascos.
Miramar Jauregia. Mirakontxa 48.
20007 Donostia.
Tel.: 943-310855
Fax: 943-213956
E-mail: bazkideak@eusko-ikaskuntza.org
Web orria: www.eusko-ikaskuntza.org

inprimakiak

Deskargatu Curriculum-a
Deskargatu Curriculum laburpena