castellano | français | english

bilaketa aurreratua | web mapa
SariakSariak

ENE Saria - Urteroko saria euskera sustatzeko lanetan gehien nabarmendu den kanpoko erakundearentzat

1949an aldarrikatu zuen Eusko Ikaskuntzak Euskararen Nazioarteko Eguna (ENE), euskal hizkuntzaren unibertsaltasuna mundu zabalera adierazteko.

Ospakizun honen mugarria Eusko Ikaskuntzak 1948an Baionan ospatu zuen VII Kongresuan dago.

Hitzordu hartan, 1948ko abenduaren 3an alegia, Frantzisko Xabier Deunaren egunean, egun hori euskal hizkuntzaren unibertsaltasuna aldarrikatzeko eguna izatea erabaki zen. Une horretan egindako aldarrikapenak dioen bezala:

“[…] ez bakarrik hiriburuetan, hirietan, Euskal Herriko herrizketan, baizik eta euskal gizataldeak dauden lekuetan ere, jaioterritik gertu edo urrun egon arren”.

Urtero ospatzen den eguna oso zabaldua dago gaur egun. Azken urteetan, Eusko Ikaskuntzak ekimen desberdinak antolatu ditu eta horren baitan sortu zen ENE Saria 2006an, mundu zabalean euskararen alde lanean diharduten erakundeen lana nabarmentzeko xedez.

ENE SARIA

Urteroko saria euskera sustatzeko lanetan gehien nabarmendu den kanpoko erakundearentzat

2015 HAMARGARREN EKITALDIA

Eusko Ikaskuntzak, 1949an Euskararen Nazioarteko Eguna abiarazi zuen erakundeak emandako saria.

Sarituen zerrenda



Hautagaitzak

Euskal Herritik kanpo euskara sustatzeko lanetan diharduen edozein erakundek parte har dezake, baita aurreko urteetan saria eskuratu dutenek ere.

Federakuntzak ezin dira sarira aurkeztu, bai, ordea, hauek osatzen duten erakundeak.

Euskal hizkuntza eta horren adierazpideak zabaltzeko lana hartzen da euskara sustatzeko oinarritzat: irakaskuntza, literatura idatzia, ahozkoa, zinea… eta sortze lan oro.

Kasu bakoitzaren testuingurua eta baliabideak biziki kontuan hartuko dira.

Saria

Aitorpen publikoa eta Nestor Basterretxeak ENErako diseinatu zuen anagramaren burdin eta altzairu herdoilgaitzezko erreprodukzio bat.

Epaimahaikoa

Eusko Ikaskuntzak izendatuko duen Epaimahai batek banatuko du saria.

Baloratzeko orduan, Epaimahaiak alderdi kuantitatiboak eta kualitatiboak hartuko ditu kontuan, sustapen ideietan ageri den berritasunarekin batera.

Epaimahaiak saria eman gabe utz dezake.

Hautagaien aurkezpena

Parte hartu nahi duten erakundeek beren jardueraren berri eman beharko dute horretarako egokitutako galdetegian. Bertan, beren jardueraren berri eman ahal izango dute. Txosten hori osatzeko eskatzen den bakarra da email bat izatea.

Meritu berezia emango zaie euskaraz aurkeztutako lanei.

Galdetegia osatzeaz gain, ezer gehigarria atxiki nahiko balute (argazkiak, adibidez), komunikazioa@eusko-ikaskuntza.eus helbidera idatzi beharko dute, erakundearen izena adieraziz.

Epeak

2015ko azaroaren 27an Euskal Herriko 12:00etan amaituko da hautagaiak aurkezteko epea.

Euskararen Nazioarteko Egunean, 2015ko abenduaren 3an, jakinaraziko da Epaimahaiaren erabakia.

Sariari buruzko edozein arazo Eusko Ikaskuntzaren baitan erabakiko da.



  • Barruti pribatua
  • Gogokoei erantsi
  • Harremanak
  • EIri Buruz
  • Legala
  • Pribatutasun politika
ei-sev@eusko-ikaskuntza.org © 2005 Eusko Ikaskuntza