Informazio Orokorra [2. Aldia]
Aurkezpena
Aldi prospektibo-estrategikoan zehazturiko elementu estrategikoetatik abiaturik, DPB(GI) Proiektuak Lan Taldeak eratzeko lanarekin jarraitu du. Lan Talde berezi horiek Garapen Iraunkorraren interes eremu zehatzak aztertzeko helburua dute, zeharkako, diziplina arteko eta parte hartzaile izango den ikuspegi batetik.
Aldi honetan, lan taldeak azterketa sakona egiten ari dira hainbat gairen inguruan: Garapen Iraunkorraren kausak, arrazoiak eta ezaugarriak, horrek dakartzan aldaketen ondorioz gertatzen den ondorio eta exijentzia maila eta gure inguru sozialetik eman litezkeen erantzunak. Azterketa hori aldizkako Aurrerapen Txostenetan bilduko da.
Organigrama
| Batzorde Erabilea | |
| Proiektuko Lehendakaria |
Carmelo BENGOETXEA |
| LAGUNTZA TEKNIKOA |
SWPI & MAS |
| LAN TALDEEN KOORDINATZAILEAK | |
| Lurralde eta bere Baliabideen Antolaketa eta Kudeaketa |
Jorge ASKASIBAR |
| Gizarte Arloa |
Eduardo RUBIO ARDANAZ |
| Enpresa Dinamismoa |
Jesús Maria CANTERA |
| Ekonomia eta Fiskalitatea |
Pablo ALLENDE |
| Energia |
Juan Pedro LÓPEZ ARAGUAS |
| Garraioa |
Miguel MORÓN |
| IDAZKARITZA TEKNIKOA |
Itsaso OLAIZOLA |
| BABESLEAK |
Eusko Jaurlaritza-Gobierno Vasco:
|
| LAGUNTZAILEAK |
Consejo de Ingenieros Industriales del País Vasco |
| IDAZKARITZA | Eusko Ikaskuntza Mª Díaz de Haro, 11-1º 48013, Bilbao Telf: 902 430958 Fax: 94 441 46 50 E-mail: GI@eusko-ikaskuntza.org |
Lan taldeak
Kongresu aurreko aldi honetan aztertu beharreko 6 interes alorrak ondokoak dira:
- Lurralde eta bere Baliabideen Antolaketa eta Kudeaketa
- Gizarte Arloa
- Enpresa Dinamismoa
- Ekonomia eta Fiskalitatea
- Energia
- Garraioa
Jardunean hasten diren Lan Taldeetariko bakoitzean gutxi gorabehera 10 pertsonak parte hartzen dute eta koordinatzaile batek zuzentzen du eztabaida. Parte hartzaileak pertsona adituak dira aukeraturiko gai eta alorretan, eta hainbat ezaguera, esperientzia eta jatorritatik datoz. Era berean, laguntza teknikoak dokumentazio alorrean egindako ekarpenak dauzkate Lan Taldeek beren esku, eta Lan Talde horiek beren azterketa eremu bakoitzeko praktika onenei buruzko informazioa eska diezaiokete laguntza teknikoari.
Erabilitako metodologia parte hartzailea da. Lan talde bakoitzak bere ikuspegia dakar ondoko galdera hauetara: “Zer ari da gertatzen”, “Zer gerta daiteke” eta “Zertan eta nola eragiten digun” azterketa eremu bakoitzean. Ikuspegi horiek aldizkako Aurrerapen Txostenetan bilduko dira.
Sei Lan Taldeek hilabeteko bileren agenda komun bat dute (2005eko otsailetik urrira), bai elkarrekin eta bai bereiz egin beharreko ekitaldietan, modu horretara zeharkako lankidetza eta ideien trukea ahalbidetzen direlarik.
Lan Taldeek eremu mugatu bat dute beren esku. Hala, taldeetako kideek informazioa eta dokumentazioa komunikatu eta trukatzeari ekin diezaiokete modu jarraian eta pribatuan.
