Sailetako Kuadernoak

Eusko Ikaskuntzaren Saileko Koadernoak 1982an sortu ziren, sailkako argitalpen gisa, Sail Zientifikoetako ikertzaileek buruturiko ikerketak eta lanak ezagutzera ematearren. Era berean, koaderno horietako batzuek ale monografikoak biltzen dituzte, eta horietan jardunaldien aktak, ikerketa bekak eta omenaldiak agertu ohi dira. Argitalpen sail edo Saileko Koaderno bakoitzak bere kolore bereizgarria du, eta denetara hamabost dira, sailak bezainbat.

Gogoeta, dibulgazioa eta prestakuntza. Hiru helburu horietara jotzen dute Eusko Ikaskuntzak sustaturiko Ikastaro, Sinposio eta Mintegiek, Sailen ekimenez abian jarriak eta bazkideei zein interesa duten pertsonei zuzenduak gehienak.